إثنين متزوجين قررو يروحو يصيفو على البحر و بنفس الفندق إلي قضو فيه شهر العسل من عشرين سنة . لكن الزوجة صار عندها شغل و ما قدرت ترافق زوجها بنفس الوقت و قررت إنو تلحقه بعد عدة أيام.!
وصل الرجال على الفندق و كان عم يوضب أغراضه بالغرفة و تفاجأ بكمبيوتر محطوط على الطاولة و فيه خط إنترنت. خطرتله فكرة للرجال إنو يبعت لمرته إيميل يفاجئها فيه ولما كان عم يكتب ال address إتخربط بحرف و من غير ما يحس بعت الإيميل لغير شخص.
الإيميل استلمتو وحدة أرملة كانت راجعه من دفن جوزها و لما كانت عم تطلع على إيميلاتا قرأت الإيميل المبعوت من الرجال و صفرنت المرأة فورا
إبنها دخل على الغرفة و شاف أمه بلأرض لا من إيدها ولا من إجرها قاعده قدام هالكمبيوتر, إطلع على الشاشة الإبن و صار يقرأ المكتوب وكان ما يلي :
زوجتي العزيزة
وصلت بخير, يمكن تتفاجئي لأنك عم تسمعي أخباري عن طريق الإنترنت بس هلأ صار عندهم كومبيوترات هون و بيقدر الواحد يبعت أخباره للأحباب, ما صرلي زمان واصل و تأكدت إنو كل شي حيكون مجهز لوقت وصولك لعندي نهار الجمعة الجاي ,
أشتقتلك كتير و متشوق لشوفتك و بتمنى تكون رحلتك مريحة متل ما كانت رحلتي .
ملاحظة: ما تجيبي معك كتير تياب لأنو الشوب هون جهنمي
موضوع: رسالة رعب 
الثلاثاء نوفمبر 04, 2008 1:16 pm
